Udaberri txapelketa fase erabakiorrean sartu da. Lehen ligaxka amaituta, eskuz binaka, nagusien gizonezkoen bigarren mailan, Intxurreko bikoteak finalerdietarako txartela lortu du eta ostiralean jokatuko dute finalaren atariko partida hori. Elorri pilotalekuan izango da 19:30ean eta Tolosa Aurrerako bikotea izango dute aurkari. Intxurrekoak lehen postuan geratu ziren ligaxkan eta beste multzoan, bigarrenak izan ziren tolosarrak. Partida hori irabazten duenak, Legazpi eta Zumaiaren arteko beste finalerdiko garailea izango du aurkari finalean.