Kultura batzordeak antolatzen duen Udazkeneko Kultur Egitarauaren baitan, antzerkiaz gozatzeko aukera izango da datorren azaroaren 10ean, ostirala. Berrobiko antzerki taldeak “Aingerutxoak” antzezlana eskainiko du Elizpe zinean gaueko 22:00etatik aurrera. Ester Poveda zuzendariaren aginduetara hamar berrobiar dira antzezlanean parte hartzen dutenak. Sarrera doakoa izango da eta batzordetik herritarrei ekitaldira hurbiltzeko gonbitea luzatzen zaie.