Tolosako Jabetze Eskolak eta Tolosaldea Garatzeneko Migrazio eta Aniztasun sailak elkarlanean “Betaurreko moreak zurrumurruak deseraikitzeko” tailerra antolatu dute azaroaren 10erako, osteguna. 18:30ean Tolosako kultur etxean hasiko den tailer hori SOS Arrazakeria elkarteko Loira Manzani eta Silvana Luzianik eskainiko dute.

Askotan, genero ikuspegia albo batera uzten da migrazio prozesuak eta migratzaileak egungo gizartean integratzeak dakartzan erronkak aztertzerakoan. Ikastaro honen bidez, betaurreko moreen ikuspuntua hartu eta begirada zabaltzea ahalbidetzeko saiakera egingo da.