Intxurre futbol taldeak ‘Neskak eta kirola’ mahai ingurua antolatu du apirilaren 24rako, asteazkena. 18:30ean izango da kultur etxean eta diziplina ezberdinetan diharduten bost kirolari izango dira bertan, Zuriñe Iglesias kazetariak gidatuko duen saioan. Ondokoak izango dira mahai inguruan parte hartuko duten kirolariak:

-Udane Ostolaza (harrijasotzailea).

-Itxaso Erasun (pilotaria).

-Eukene Larrarte (txirrindularia).

-Izarne Sarasola (Realeko futbolaria).

-Naroa Garaialde (futbol epailea).

Intxurretik herritarrak mahai ingurura gonbidatu nahi dira gaia interesgarria delakoan eta amaieran, zozketak eta mokadutxo bat egiteko aukera ere izango da.