Maiatzaren 4an, larunbata, Sutarri Eguna ospatuko da. Dantza taldearen 25. urteurreneko ospakizunen baitako beste hitzordu bat izango da eta egun osoko egitaraua antolatu da. 11:30ean kalejira herrikoi bat egingo da dantza ezberdinekin Lasko txarangak lagunduta. 14:00etan bazkaria izango da plazan eta 16:30etik 19:30era erromeria Elizagoien ahizpekin. Bazkarirako txartelak kultur etxean eta Iskiña tabernan erosi daitezke eta azken eguna apirilaren 28a, igandea, izango da.