Atzo ospatu zen Artisau eta Nekazal Azoka Berezian, azokako produktuekin osaturiko sorta baten zozketa egin zen, ohiko moduan. Zozketa egin zen unean, 957 izan zen atera zen lehen zenbakia eta denbora tarte bat igarota, zenbaki horren jabea agertzen ez zenez, bigarren zenbaki bat atera zen. 333 da bigarren zenbaki hori eta atzo ez zen agertu irabazlea. Horrenbestean, bi zenbaki horiek dituztenei kultur etxera joatea edo bertara deitzea gomendatzen zaie.