Alegiako Mendi Asanbladak abenduaren 2an, igandearekin egingo du 2018 urteko azken irteera. Aldabatik Santa Mañara joango dira oinez eta bertan hamaiketakoa eginda emango diote amaiera aurtengo denboraldiari. Goizeko 9:00etan Tontokaletik kotxeetan abiatuko dira Aldabara. Santa Mañarako bidea oinez egin, bertan hamaiketakoa dastatu eta 13:30ean autobusez egingo dute Alegiarako itzulera. Izena emateko epea azaroaren 19an itxiko da. Kultur etxean, whatsaap bidez edo alegiakomendiasanblada@gmail.com helbide elektronikora idatzita eman daiteke izena. Helduek 10 euro ordaindu beharko dituzte eta haurrek 5 euro. Prezio horretan autobusa eta hamaiketakoa sartzen dira.