Alegiak Gipuzkoako herriarteko pilota txapelketan hartuko du parte eskuzko modalitatean. Maiatzeko hirugarren asteburuan ekingo zaio txapelketari eta Alegiak Zestoa izango du aurkari final zortzirenetako kanporaketak. Joaneko partidak Alegian jokatuko dira eta itzulerakoak Zestoan, astebete beranduago. Kanporaketa horretan aurrera egiten duenak Adunaren edo Ataunen kontra jokatuko du final laurdenetan. Bizi dugun osasun egoera kontuan izanda, partidak ikuslerik gabe jokatuko dira.