Alegiako Udalak, ohar honen bidez, martxoaren 26an  ehiztarien kolektiboarekin Alegiako udaletxean egindako bilera irekian jorratutakoaren berri eman nahi du.

Kolektibo honen kezkak eta zalantzak entzun ziren eta araudiaren moldaketa puntual batzuk egiteko konpromisoa hartu du Udalak.

Aldi berean, Alegiako Udalaren eskumenpekoak diren Aldaba Txiki Onura Publikoko Mendiko eta Langaurreko Aisialdi Guneko erabiltzaile guztien eskubideak eta segurtasuna bermatzeko konpromisoa berresten da. Mendia guztiona den neurrian, jarduera ezberdinen arteko oreka ezinbestekoa delako.

Azkenik, indarrean dagoen ordenantza arautzailea betearazten jarraituko duela jakinarazi nahi du Udalak.