Sutarri dantza taldeak ikuskizun berri bat estreinatuko du apirilaren 5ean, ostirala. Neguko kultur egitarauaren baitan biltzen den ekitaldia da eta dantza taldekoek Oinatzak izenburua jarri diote ikuskizunari. Aurten hogei urte beteko ditu Sutarrik eta ospakizunaren neurriko ikuskizuna eskaintzen ahaleginduko dira dantza taldekoak. Emanaldia 22:00etan hasiko da Elizpe zinean eta sarrera doakoa izango da.