Iñaki Artolak eta Ander Imazek galdu egin zuten binakako txapelketako hamabigarren jardunaldian. Ezkurdiaren eta Martijaren aurka 22 eta 10 amore eman behar izan zuten eta sailkapeneko bigarren postua galdu dute, aurkarien mesedetan. Hasieratik maldan gora jarri zitzaien partida alegiarrari eta oiartzuarrari eta une oro aurkarien menpe egon ziren. Porrot honekin, zazpi punturekin jarraitzen dute sailkapenean eta ostiralean, beraiekin berdinduta dauden Altunaren eta Galarzaren aurka jokatuko dute Gernikan. Partida hori irabazten duenak, oraindik ere finalerdietarako sailkapen zuzena ematen duen bigarren postua lortzeko aukerekin jarraituko du, beste emaitza batzuen arabera. Galtzaileek agur esango diote aukera horri.

Intxurrekoak ostiralean

Intxurreko pilotarien bost partida jokatuko dira ostiralean 18:30ean Elorri pilotalekuan, hurrenkera honetan:

1. Gomazko paleta. Emakumezko jubenilak. Intxurre-Hernani. (Udaberri txapelketa)
2. Gomazko paleta. Emakumezko jubenilak. Intxurre-Hernani. (Udaberri txapelketa)
3. Gomazko paleta. Emakumezko jubenilak. Intxurre-Mundarro. (Udaberri txapelketa)
4. Eskuz binaka. Gizonezkoen infantil maila. Intxurre-Azkoitia. (Gipuzkoako txapelketa)
5. Eskuz binaka. Gizonezkoen nagusien 2. maila. Intxurre-Gazteleku. (Udaberri txapelketa)