Iñaki Artola eta Beñat Rezusta binakako pilota masterseko finalerdietan izateko aukera askorekin daude. Jokatu diren hamar partidetatik bederatzi irabazi dituzte eta lau jardunaldiren faltan lau puntuko aldea dute finalerdietatik kanpo geratuko litzatekeen lehen bikotearekiko. Larunbatean 22 eta 16 irabazi zieten Bengoetxeari eta Martijari Sorian. Hasieran 12 eta 1 aurreratu ziren alegiarra ta bergararra eta dena erabakita zegoela zirudien. Dena den, aurkariek ez zuten etsi eta 18 eta 15eraino ekarri zuten partida, gauzak estu jarriz. Azkenerako ordea, Artolak eta Rezustak 22ra iristea lortu zuten. Larunbatean Tafallan jokatuko dute puntu bakarrarekin diren Elezkanoren eta Aretxabaletaren aurka eta partida horretan bertan lortu dezakete finalerdietarako txartela.