Iñaki Artolak eta Beñat Rezustak udako binakako txapelketako bigarren partida irabazi zuten atzo Olaizolaren eta Zabaletaren aurka 22 eta 16. Iruñeko Labriten jokatu zen neurketan, alegiarra eta bergararra aurkariak baino gehiago izan ziren eta lehen zatian markagailuan alderik zabaldu ez arren, lehen atsedenaldiaren ostean erabaki zuten lehia. Lehen tantoetan aurkariak 4 eta 2 aurreratu ziren baina Artolak eta Rezustak aurretik jartzea lortu zuten lehen atsedenaldira heldu aurretik. Handik aurrera zabaldu zuten garaipena ahalbidetu zien tartea. 20 eta 12 aurretik jarri ziren eta aurkariak 21 eta 16ra hurbildu arren, azken tantoa lortuta bi jardunalditan bigarren puntua batu zuten Artolak eta Rezustak. Hurrengo partida sailkapenean beraiekin berdinduta dauden Bengoetxearen eta Martijaren aurka jokatuko dute astelehenean Tolosan.