Larunbatean eman zitzaion estreinaldi ofiziala Elorri futbol zelai eraberrituari. Intxurreko kadete eta erregionalen gizonezko taldeak izan ziren lehen bi partidak jokatu zituztenak eta emaitza ezberdinak izan zituzten. Kadeteek 2 eta 1 irabazi zioten Euskaldunari. Denboraldiko lehen partida zuten eta hiru puntu batuta, Danenaren aurka jokatuko dute etxean larunbatean 10:30ean. Erregional mailako mutilek 1 eta 2 galdu zuten Axularren aurka. Sailkapeneko seigarren postuan daude hiru punturekin eta Herrerako Sportingen aurkako neurketa jokatuko dute etxean larunbatean 18:00etan.

Jubenilek 0 eta 2 irabazi zuten Idiazabalen. 2018-2019 denboraldiko lehen partida zuten eta bide onetik hasi dute urtea. Larunbatean 17:45ean punturik gabe den Ordiziaren kontrakoa izango dute. Azkenik, erregional mailako neskentzat asteburuan hasiko da denboraldia. Oiartzunen aurkakoa izango dute etxean, larunbatean 15:30ean.