Alegiako Inaxio Begiristain Kultur eta Kirol Etxeak eman du 2017-2018 ikasturterako prestaturiko ikastaroen eskaintzaren berri. Ohi bezala, jarduera ezberdinak egiteko aukera izango dute izena ematen dutenek. Aerobika, 12 urtetik aurrerakoentzako gazte zunba, hirugarren adinekoen gimnasia, 6 urtetik gorakoentzako gimnasia erritmikoa, pilates eta spinninga dira eskaintza osatzen duten jarduerak. Azpiko taulan duzue jarduera bakoitzari buruzko informazioa xehetuta.

Izena emateko epea irailaren 18an, astelehena zabalduko da eta irailaren 27a, asteazkena, izango da azken eguna. Interesa dutenek kultur etxera joan beharko dute izena ematera 10:00etatik 13:00era eta 15:00etatik 21:00etarako ordutegian. Ikastaroren batean izena ematen duenak, ikastaroak irauten duen epe osoari dagokion kopurua ordaindu beharko du, nahiz eta ez bertaratu. Informazio gehiagorako, kultur etxera joatea edo 943 65 46 98 telefono zenbakira deitzea komeni da.