Alegiako Mendi Asanbladak urteko azken irteera egingo du igandean, abenduak 1. Bedaio aldean ibilaldi bat egingo dute eta horretarako, Tontokaletik 9:00etan abiatuko dira kotxez. Mendi bueltaren ostean hamaiketakoa egingo dute urteko azken irteeran egin ohi duten moduan. Hori dela eta, mendi irteera horretan parte hartu nahi dutenek izena eman beharko dute aurrez eta horretarako azken eguna, azaroak 28, osteguna izango da. Izena emateko, kultur etxera jo daiteke edo alegiakomendiasanblada@gmail.com helbidera mezu bat idatzi behar da.