Elorri Aldapa saskibaloi taldeak bigarren itzuliko lehen partida jokatuko du larunbatean. Erroibide Irun taldea izango dute aurkari alegiarrek 17:00etatik aurrera Elorri pilotalekuan eta ez dute aurkari samurra izango. Izan ere, irundarrak sailkapeneko bigarren postuan daude hamalau punturekin, jokaturiko zortzi partidetatik sei irabazita. Alegiarrak aldiz, bederatzigarrenak dira bederatzi punturekin, garaipen bakarra lortuta. Iragan asteburuan 71 eta 59 galdu zuen Elorri Aldapak Avia Eibar Saskibaloiaren kantxan.