Bihar, uztailak 30, muturreko tenperatura beroengatiko alerta laranjan izango gara 12:00etatik 21:00etara bitartean. Iragarpenen arabera 40 gradu inguruko tenperatura aurreikusten da Alegian eta horren aurrean, herritarrei hainbat ohartarazpen egin nahi zaizkie. Alde batetik, eguneko ordurik beroenetan ariketa fisikoa ez egitea gomendatzen da eta ahal den neurrian kalera ateratzea ere ekiditea. Ur asko edatea eta sarri hidratatzea dira jarraitu beharreko beste gomendioak, batez ere haurren eta adineko pertsonen kasuan. Barruko eremuak ahalik eta freskoen mantentzeko pertsianak jaitsita izateak ere laguntzen du. Ostiraleko iragarpenaren arabera, giro beroa izango dugu baina tenperatura maximoak 33 gradu inguruan geratuko dira.

Baso suteen arriskuagatik ere alertan izango gara ordu tarte berean. Hego ukituko haizea ibiliko da eta hezetasun erlatibo baxua izango da.