LABIren aholku batzordeak neurri murriztaile berri bat jarriko du indarrean gaur gauerdian. 00:00etatik 06:00etara bitartean mugatuta egongo dira bizikide ez direnen arteko kaleko topaketak. Espazio publikoetan, parkeetan, plazetan eta antzeko eremuetan goizaldean ematen diren jende pilaketak ekiditea da neurri horren helburua LABI batzordeak adierazi duenez. Dekretua gaur argitaratu da Euskal herriko Agintaritzaren Aldizkarian eta azpiko loturan kontsultatu daiteke.