Elorri Aldapa saskibaloi taldeak gertu izan zuen larunbatean denboraldiko bigarren garaipena. Sailkapeneko bigarren postuan dagoen Erroibide Irun izan zuten aurkari alegiarrek eta lehen hiru laurdenetan aurkariaren pare ibili arren, azken laurdenean irundarrek joko maila igo zuten eta markagailuan aldea zabaldu zuten, partidaren amaierako 50 eta 58ko emaitzak erakusten duen moduan. Elorri Aldapak lan ona egin zuen baina azkenerako ezin izan zuten nahi bezala borobildu egindako ahalegina. Gauzak horrela, sailkapeneko zortzigarren postuan daude alegiarrak hamar punturekin eta larunbatean etxean ariko dira berriz ere, sailkapeneko liderra den Tolosako Take Coach taldearen aurka, 17:00etan Elorri pilotalekuan.