Alegiako Udalak zabalik du diru laguntzak eskatzeko epea. Horretarako aplikagarria den erregimen orokorreko ordenantza arautzailea, plan estrategikoa eta Udal aurrekontuaren gastu programaren arabera, urriaren 31 izango da eskaerak aurkezteko azken eguna. Udaletxeko sarrera erregistrora joanda, Udal webguneko zerbitzu telematikoak atalaren bidez edo postaz egin daitezke eskaerak. Eskaera bera eta horri dagokion dokumentazioa edo informazioa aurkeztu beharko da.