Denon osasuna bermatzeko pertsonen arteko segurtasun distantzia mantentzea ezinbestekoa den honetan, jende pilaketak eragin ditzaketen ekitaldiak ez egiteko gomendioa emana dute osasun agintariek. Alegiako Kultura batzordeak, gomendio horiek jarraituz, pilaketa horiek eragin ditzaketen ekitaldiak bertan behera utziak ditu. Horietako bat da urtero ekainaren 23an pizten den San Juan Sua. Aurten plazan ez da surik piztuko baina batzordeak su hori beste modu batera bizitzeko aukera eskaini nahi die herritarrei. Horrela, azken urteetako San Juan Suetako argazkiekin osaturiko bideo bat eskainiko da Udal webgunean ekainaren 23an 21:00etan. Alegiako Argazkizale Taldeak osatu du bideo hori eta batzordetik herritarrei ekimenarekin bat egiteko gomendioa egiten zaie.