Elorri Aldapa saskibaloi taldeak garaipenen zakua gizendu ezinda jarraitzen du. Larunbatean Astigarragako Mundarro taldearen aurkako partida izan zuten Alegian eta 51 eta 63 galdu zuten alegiarrek. Astigarragakoek berehala erakutsi zuten zergatik diren multzoko liderrak eta lehen laurdenean bertan zabaldu zuten tartea markagailuan. Elorri Aldapa sailkapeneko bederatzigarrena da zortzi punturekin eta larunbatean 18:15ean seigarren dagoen Avia Eibar Saskibaloiaren kantxan jokatuko dute.