Elorri Aldapa saskibaloi taldeak denboraldiko hirugarren garaipena lortu zuen atzo, igandea. Sailkapeneko azken postuan dagoen Contubi Oiarsoren kantxan jokatu zuten alegiarrek eta 40 eta 44 amaitu zen partida. Modu horretan, Elorri Aldapak hirugarren garaipena lortu du eta zortzigarren postuan sendotu da 16 punturekin, azken postuarekiko aldea zabalduz. Larunbatean Oiartzungo Saskilagunak taldearen aurka jokatuko dute 17:00etan Elorri pilotalekuan. Oiartzuarrak seigarren daude 18 punturekin eta alegiarrek sailkapenean hurbiltzeko aukera izango dute, laugarren garaipena lortzen badute.