Elorri Aldapa saskibaloi taldeak etxeko lehen partida izango du larunbatean. 17:00etatik aurrera Mekalki Aloña Mendi taldearen aurka jokatuko dute Elorri pilotalekuan. Lehen bi partidak etxetik kanpo jokatu eta galdu ostean, zaleen aurrean estreinaldia izango dute alegiarrek eta oñatiarren aurka ariko dira. Hauek jokaturiko bi partidak irabaztea lortu dute eta sailkapeneko lidertzan dira. Alegiarrek aldiz, lehen bi jardunaldietan ez dute partidarik irabazi eta zaleen aurreko lehen hitzordu horretan garaipena lortzen ahaleginduko dira.