Elorri Aldapa saskibaloi taldeak etxeko lehen partida irabazi ezinda jarraitzen du. Iragan larunbatean Contubi Oiarso taldearen bisita izan zuten alegiarrek eta kanpotarrek 51 eta 58 irabazi zuten. Bost jardunaldi jokatuta, alegiarrak sailkapeneko bosgarrenak dira sei punturekin eta hurrengo partida larunbatean, azaroak 30, Oiartzungo Elorsoro kiroldegian jokatuko dute zortzigarren dagoen Oiartzungo Saskilagunak taldearen aurka.