Alegiako Herri Eskolako jolastokiak etorkizunean izango duen itxura eta erabilera zehazteko prozesua martxan da. Iturri Zahar guraso elkartea etorkizuneko erabilera horren inguruko lanketa egiten hasia da eta ekainaren 9an, asteazkena, gaiaren inguruko bilera bat egingo da kultur etxean 18:00etatik aurrera. Bertan, egiten ari den lanketa horren berri emango du guraso elkarteak eta gaiaren inguruan interesa duen ororentzat irekia izango da.