Eusko Jaurlaritzak larrialdi egoera indarrean jarri zuen astelehenean COVID-19ak eragindako osasun krisialdiak azkenaldian izan duen okerreko joera zuzentzeko helburuarekin. Sail ezberdinek hainbat neurri proposatu dituzte eta neurri horiek gaur arratsaldean jarri dira indarrean, Euskal Herriko Agintaritzaren Aldizkarian argitaratu direnean. Sektore eta alor ezberdinei eragiten dieten neurriak dira. Herritarrei arduraz jokatzeko eta jende pilaketak ekiditeko gomendioa egin nahi zaie beste behin ere. Maskarilak erabiltzea derrigorrezkoa dela gogorarazten da eta arauak ez betetzeak isunak dakartzala ere bai. Alegian une honetan ez dago COVID-19 kasurik eta horri eusteko ezinbestekoa da erakusten ari garen portaera mantentzea.

Azpiko loturan kontsultatu daitezke neurri guztiak modu xehean.