Alegiako Festa batzordeak ez du aurtengo uztailean ohiko jaietako egitarau zabalik antolatuko baina herrian nolabaiteko jai giroa jartzeko asmoz, ekintzaren bat egingo da. Aurreko urteetan balkoi eta lorategi ederrena saritu izan da jaietan eta aurtengorako, herritarrei balkoiak dekoratzeko deia egiten zaie. “Alegiako Festak 2020” izango da balkoiak dekoratzeko ardatz modura hartuko den gaia eta Festa batzordeko kideez osatuta egongo den epaimahaiak kolorea, estetika eta originaltasuna bezalako ezaugarriak hartuko ditu kontuan.

Parte hartzeko ez da izena eman beharrik izango eta epaimahaiko kideak uztailaren 13an ibiliko dira kaleetan balkoiak ikusten. Sariei dagokienean, lehen bi sailkatuentzat bina pertsonentzako afari bana izango da. Irabazleen berri uztailaren 16an emango da Udaleko webgunearen eta sare sozialen bitartez.

Festa batzordetik herritarrak balkoiak dekoratzera animatu nahi dira, aurtengoan normaltasunez ospatu ezingo diren Alegiako jaiei kolore apur bat eman ahal izateko. Lehiaketako oinarriak lotura honetan konstultatu daitezke.