Alegiako Festa batzordeak prest ditu aurtengo jaietako kamisetak. Aurtengoan Felix Irazustabarrenak egindako logoa eramango dute kamiseta horiek eta eskaerak egiteko epea zabalik dago. Ekainaren 23an itxiko da epe hori eta kamisetak nahi dituztenek kultur etxean egin beharko dute eskaera. Bertan, neurria ere zehaztu beharko da eta behin kamisetak prest daudenean, jasotzera pasa beharko da. Sei euroko prezioa izango dute eta batzordetik eskaintza berezi bat ere egin nahi izan da. Dakizuen moduan, jaien amaierako ekitaldian herritarrei txintxarriekin parte hartzeko deia egiten zaie eta batzordeak kamiseta eta txintxarria hamar euroan lortzeko aukera eskaintzen du.