Inaxio Begiristain Kirol eta Kultur Etxeko gimnasioaren ordutegia ordubetez zabalduko da otsailaren 8tik, astelehena, aurrera. Orain arte 16:00etatik 20:00etara eskaintzen zen zerbitzua. Bada, astelehenetik aurrera 15:00etatik 20:00etara bitartean erabili ahal izango da gimnasioa. Orain arte bezala, ordubeteko txandak eskainiko dira eta aurrez hitzordua hartu beharko da 943 65 46 98 telefono zenbakira deituta.