Harituz bertsozale taldeak abenduaren 14ean Ilunben jokatuko den Gipuzkoako bertsolari txapelketako finalerako autobusa antolatu du. Autobus hori 15:00etan abiatuko da Bideberrietako geltokitik eta bueltakoa finala amaitu eta 30 minutura aterako da Ilunbetik. Finalera autobusez joan nahi dutenek kultur etxean eman dezakete izena eta 10 euro ordaindu beharko dira. Antolakuntzak autobusez joateko deia egiten du, egun berean Realaren eta Bartzelonaren arteko futbol partida jokatuko delako Donostian bertan eta trafikoan eragozpenak sortzea aurreikusten baita.