Alegiako mendi asanbladak Xoxotera irteera bat egin zuen iragan igandean, urtarrilak 26. Alegiatik Attolara kotxeetan joan eta bertatik Xoxoterako joan-etorria egin zuten. Eguraldi ona lagun, ibilaldia giro ederrean egiteko aukera izan zuten eta Xoxoteko aterpetxean hamaiketakoa eginda borobildu zuten goiza. Hurrengo irteera martxoaren 29an egingo dute Igaratzatik Larraitzerako ibilbidearekin.