Berriak
Atzealdea

Gizonezkoen Tourra Alegiatik igaroko da igandean

Amezketa aldetik Errota auzora iritsi eta Altzoko errepidea hartuko dute 15:00ak pasatxoan

2023·06·30


Uztailaren 2an, igandea, Tourreko bigarren etapa Alegiatik igaroko da. Amezketa aldetik iritsiko da lasterketa Errota auzora eta txirrindulariek Altzoko errepidea hartuko dute. Trafikoari dgaokionean, goizeko 11:00ak aldera itxiko dira Errotatik Altzo alderako errepidea eta Alegiatik Amezketara doana. Lasterketa 15:10 eta 15:30ak bitartean igaroko da antolakuntzaren ordutegien arabera eta behin txirrindulariak igarota, 16:30ean irekiko dira errepideak. Dena den, lasterketaren aurretik, 13:30ean publizitate karabana igaroko da. Gainontzeko errepideetan ez da inolako mozketarik izango eta N-I errepiderako sarbideak zabalik izango dira.

Altzoko igoerara lasterketa ikustera joan nahi dutenek oinez edo bizikletaz joan beharko dute, errepidea autoentzako itxita egongo delako.