Intxurreko gorengo mailako taldeko jokalariak pozarren dira. Iragan larunbatean denboraldiko hirugarren partida irabaztea lortu zuen Santos Irazustabarrenaren taldeak. Beasainen 2 eta 3 irabazi zuten eta sailkapenean hamabost punturekin kokatu dira. Denboraldi gogorra ari da izaten baina azken garaipen hori beste batekin kateatzen saiatuko dira igandean 16:00etan Idiazabalen aurka etxean. Hauekin batera, kadete neskek ere Elorrin jokatuko dute asteburuko partida. Kasu honetan, Touring izango dute aurkari larunbatean 11:00etan. Aipatzekoa da, iragan jardunaldian Allerruren aurka jokatu beharreko neurketa ez zela jokatu.

Beste hiru taldeek kopako partidak izan zituzten asteburuan eta aipatzekoak dira jubenilen infantilen partidetako emaitzak. Jubenilek 14 eta 0 irabazi zioten sailkapeneko azkena den Danena B taldeari. Alegiarrek lehen postuan jarraitzen dute jokaturiko bederatzi partidak irabazita eta larunbatean 17:00etan bigarren dagoen Danena Aren zelaian jokatuko dute. Aralar Intxurreko infantilek berriz, 13 eta 0 irabazi zioten Ordiziari. Hauek bigarrenak dira sailkapenean eta Beasainen jokatuko dute larunbatean 12:00etan. Azkenik, kadete mutilek hiruna berdindu zuten Tolosaren aurka. Puntu horrekin seigarrenak jarri dira eta larunbatean 12:00etan Ostadar liderraren zelaian jokatuko dute.