Bi urteko etenaren ostean, bueltan da haur eta gaztetxoentzako Kalebeherako pilota txapelketa. Antolakuntzak datorren astelehenean, irailak 12, jarri du izena emateko hitzordua Kalebeherako parkean eta une horretan bertan osatuko dira bikoteak. 6 eta 14 urte bitarteko neska-mutilei zuzendutako txapelketa da eta antolakuntzatik adin tarte horretako haur eta gaztetxoak txapelketan parte hartzera animatu nahi dira.