Hilario Olano pala egokituko Gipuzkoako txapelketa jokatzen hasi zen iragan larunbatean. Aurten parte hartzen ari diren pilotari guztiek elkarren aurka jokatuko dute lehen fasean. Aurrelari guztiek atzelari guztiekin jokatu eta horrela osatuko dute sailkapena.

Usurbilen jokatu zen lehen jardunaldian bederatzi partida jokatu zituen Olanok eta horietatik sei irabazi. Hurrengo jardunaldia martxoaren 20an jokatuko dute Ataunen goizeko 11:00etatik aurrera. Finalak ekainaren 26rako daude iragarrita Zumaian.

Argazkia: ataria.eus.