Igandean Marino Lejarreta Klasika lasterketa jokatuko da. Txirrindulariak Alegiako Bazurka industriagunetik atera eta Ordiziara joango dira taldekako erlojupekoan. Antolakuntzak jakinarazi duenez, igande goizean GI-2131 errepidea itxita egongo da Ordiziako norantzan. Beraz, Tontokale gaineko bidegurutzean ezingo da Ikaztegieta aldera irten. Proba 13:30ak aldera amaitzea aurreikusten du antolakuntzak eta horrenbestean, ordu horretatik aurrera errepidea zabalik geratuko da.