Igandean, azaroak 29, gaztaina erreak banatuko dira plazan. Herritar talde baten ekimenez, Udalak azpiegitura jarriko du eta 18:00etatik aurrera banatuko dira. Antolakuntzatik adierazitakoaren arabera, etxera eramateko banatuko dira. Bizi dugun egoera kontuan izanda, ez da posible plazan jende pilaketarik sortzea. Horregatik, arduraz jokatzeko eskatzen da eta gaztainak jasotakoan plazan ez geratzea. Jasotzera joateko ezarriko diren segurtasun neurriei ere kasu egiteko eskatzen da. Norberak arduraz jokatzen badu, antzeko ekintza gehiago egitea posible izango da aurrerantzean.