Iñaki Artola lehen aldiz sailkatu da buruz buruko lehen mailako pilota txapelketako finalerdietarako. Atzo Bilbon 22 eta 7 irabazi zion Mikel Urrtikoetxeari final laurdenetako kanporaketan. Lehen bi tantoak bizkaitarrak egin bazituen ere, Artola nagusi izan zen partida osoan zehar eta berehala zabaldu zuen markagailuan gerora erabakigarria izango zen tartea. Kolpez eta fisikoki fresko ikusten da alegiarra eta nagusitasun haundiz sailkatu da finalerdietarako. Finalerako txartela jokoan izango duen partida larunbatean jokatuko du Artolak Beñat Rezustaren aurka Iruñean. Bien arteko buruz buruko aurrekari bakarra dago. 2016an Bergaran neurtu zituzten indarrak final zortzirenetan eta Artolak 22 eta 17 irabazi zuen orduko hartan. Larunbatean 22ra iristea lortzen duenak, Zabaletaren eta Altunaren arteko finalerdiko irabazlea izango du aurkari finalean.

Alegia Herriartekoan aurrera

Alegiak Gipuzkoako Herriarteko txapelketako final laurdenak jokatuko ditu Ataunen aurka, final zortzirenetan Zestoa kanporatu ostean. Joaneko partidak Alegian jokatuko dira asteburu honetan eta itzulerakoak Ataunen, hurrengo asteburuan.

Intxurrekoen partidak

Intxurrekoek asteburuan izango dituzten partidak.

UDABERRI

Eskuz binaka kadeteen 2. maila: Zumaia-Intxurre

Eskuz binaka jubenilen 1. maila: Oiarpe-Intxurre

Gomazko paleta emakumezko jubenilak: Intxurre 2-Mendaro

Gomazko paleta emakumezko jubenilak: Intxurre 3-Hernani

Gomazko paleta emakumezko jubenilak: Intxurre 1-Zumaia

EUSKAL LIGA

Eskuz binaka nagusiak: Intxurre-Maestu