Iñaki Artolak Mikel Urrutikoetxearen aurka jokatuko du igandean buruz buruko final laurdenetako kanporaketa. Bi pilotariak buruz buru kantxa osoan lehen aldiz ariko dira elkarren aurka. Iñaki Artolak lan asko egin behar izan zuen atzo Asier Agirreri irabazteko. Partida oso gogorra izan zen eta markagailuan bietako inork ez zuen lortu aurkariarekiko tarte zabalik. Azken tantoetan alegiarrak ahal gehiago izan zuen eta horrek eman zion final laurdenetarako txartela.

Datorren igandean modalitate honetako espezialista bat izango du aurkari Artolak. Txapel bat badu bizkaitarrak eta finaletan behin baino gehiagotan izan da. Iñaki Artolak lehen aldiz finalerdietarako txartela lortzeko aukera izango du. Txapelketako hirugarren partida izango da alegiarrarentzat. Irabazten duenak Elezkanoren eta Rezustaren arteko partidako garailea izango du aurkari finalerdietan.

Alegiak hasiera ona herriartekoan

Alegiak asteburuan ekin dio eskuz binakako herriarteko pilota txapelketari. Final zortzirenetako joaneko partidak jokatu zituzten alegiarrek Zestoaren aurka eta 3 eta 0 aurreratu dira. Datorren asteburuan itzulerakoak jokatuko dira Zestoan baina alegiarrek ondo bideratuta dute final laurdenetan izateko aukera.

Intxurrekoen partidak

Udaberri txapelketako eta Euskal Ligako partida berriak izango dituzte asteburuan Intxurreko pilotariek.

UDABERRI

Eskuz binaka kadeteen 2. maila: Intxurre-Hernani

Eskuz binaka jubenilen 1. maila: Tolosa-Intxurre

Eskuz binaka nagusien 1. maila: Intxurre-LAPKE

Gomazko paleta emakumezko jubenilak: Hernani-Intxurre 1

Gomazko paleta emakumezko jubenilak: Zumaia-Intxurre 2

Gomazko paleta emakumezko jubenilak: Mundarro-Intxurre 3

EUSKAL LIGA

Eskuz binaka nagusiak: Intxurre-Oberena