Iñaki Artolak atariko kanporaketa bat gainditu beharko du lehen mailako buruz buruko txapelketan aritu ahal izateko. Baikok txapelketan aritzea ziurtaturik duen bost pilotariko zerrenda argitaratu du eta seigarrena kanporaketa horretatik aterako da. Axier Arteaga lasartearra izango du aurkari Artolak maiatzaren 7an, ostirala, Zallan jokatuko den kanporaketan. Partida hori irabazten duenak maiatzaren 15eko asteburuan hasiko den txapelketan jokatu ahal izango du eta galtzailea kanpoan geratuko da. 2019ko txapelketan bi pilotari horiek elkarren aurka aritu ziren final hamaseirenetan eta orduko hartan, Artolak 22 eta 11 irabazi zuen.

Intxurrekoen partidak

Intxurreko pilotariek Udaberri txapelketako lehen faseko bigarren jardunaldiko eta EH Ligako partidak izango dituzte asteburuan.

UDABERRI

Eskuz binaka kadeteen 2. maila: Gazteleku-Intxurre

Eskuz binaka nagusien 1. maila: Hernani-Intxurre

Gomazko paleta emakumezko jubenilak: Intxurre 2-Hernani

Gomazko paleta emakumezko jubenilak: Intxurre 1-Intxurre 3

EH LIGA

Eskuz binaka nagusiak: Intxurre-Pagazpe