Iñaki Artolak larunbatean hasiko du buruz buruko txapelketako ibilia. Elezkano izango du aurkari Bastidan final zortzirenetako kanporaketan eta partida hori irabazten duenak, final laurdenetarako ligaxkarako txartela lortuko du. Finala laurdenetako multzoan ziur dituzte zain Altuna eta Laso. Laugarren ordezkaria Urrutikoetxearen eta Elordiren arteko partidatik aterako da.

Final laurdenetako ligaxkak atsedenak izango ditu. Hau da, pilotariek bi astez behin jokatuko dute. Gauzak horrela, finalerdietako azken partidak maiatzaren 12-13ko asteburuan jokatuko dira eta finala ekainaren 4an, Bilbon.