Intxurreko futbolarien bi partida ikusi ahal izango dira larunbatean Elorri zelaian. Infantil mailako bi taldeak izango dira etxean ariko direnak. Neskek Hernaniren aurka jokatuko dute larunbatean 10:15ean. Iragan asteburuan 4 eta 3 galdu zuten Urnietan. Mutilek berriz Ostadarren bisita izango dute larunbatean 12:00etan. Tolosaren aurka 2 eta 0 galdu zuten azken partidan eta garaipena izango dute helburu.

Bestelakoan, ohorezko mailako kadeteek 3 eta 2 irabazi zioten Zumaiako liderrari. Bosgarren daude eta larunbatean 16:00etan Ordizian jokatuko dute. Jubenilek 4 eta 3 irabazi zioten Antigua Luberriri igoera fasean. Lidertzan dira alegiarrak eta larunbatean 12:00etan bigarren dagoen Lagun Onaken zelaian jokatuko dute. Azkenik, erregionalek 0 eta 5 irabazi zioten Allerruri kopan. Bigarren postuan daude eta asteburuan atsedena izango dute.