Larunbatean izan zuten Intxurreko futbolariek aurredenboraldiko lanak modu egokian ote doazen neurtzeko azterketa polita. Bertako Igogailuak torneoaren lehen ekitaldia jokatu zen Elorri zelaian eta gizonezkoen infantil, kadete, jubenil eta erregionalen mailetan, Intxurre eta Segurako taldeak neurtu ziren.

Goizeko 9:30ean jokatu zen lehen partida. Infantilak izan ziren neurketa horretako protagonistak eta Intxurrek 11 eta 4 irabazi zien segurarrei. Ondoren jubenilen partida jokatu zen eta kasu honetan ere garaipena etxean geratu zen, 8 eta 2ko emaitzarekin. Arratsaldean beste bi partida jokatu ziren. Kadeteetan Intxurrek 3 eta 1 irabazi zuen eta erregional mailako partida ere alegiarrentzat izan zen, 5 eta 2. Horrenbestean, jokaturiko lau partidak irabazita, Bertako Igogailuak torneoaren lehen ekitaldia Intxurrek irabazi zuen.

Argazkia: Intxurre futbol taldea.