Alegiako futbol zaleek partida bakarra ikusi ahal izango dute asteburuan Elorri zelaian. Erregional mailako mutilek denboraldiko lehen partida jokatuko dute etxean Axular Isturinen aurka larunbatean 16:00etan. Iragan asteburuan 3 eta 1 galdu zuten alegiarrek Anaitasunaren aurka eta lehen puntuak batzen ahaleginduko dira. Helburu hori izango du gorengo mailako emakumezkoen taldeak igandean 16:00etan Elgoibarren. Amaikak Baten aurka 0 eta 2 galdu zuten lehen partidan eta etxetik kanpo ariko dira.

Kadete neskek denboraldiko lehen partida jokatuko dut larunbatean 10:30ean Bergaran. Aurkariak lehen partidan galdu egin zuen eta alegiarrek atsedena izan zuten. Maila bereko mutilek bina berdindu zuten Vasconiaren kontra etxean. Puntu hori lortuta, Lazkaon ariko dira larunbatean 10:00etan. Azkenik, jubenil mutilek egurra hartu zuten Lasarten Ostadarren aurka. Hura ahaztu eta garaipenaren bila aterako dira igandean 10:30ean Seguran.