Intxurreko futbolarientzat ez da asteburu oparoegia izan iragan berri dena. Jokatutako zortzi partidetatik bakarra irabazi zuten. Kadete mailako mutilen talde batek, 3 ets 1 irabazi zion Beasaini kopako partidan Sailkapeneko lehen postuan daude hamasei punturekin. Maila bereko beste taldeak 0 eta 8 galdu zuen Usurbilen aurka. Zortzigarrenak dira hiru punturekin. Kadete neskek ere galdu egin zuten. Leintz Arizmendiren kontra aritu ziren eta 9 eta 0 galdu zuten. Bi aste barru lehen faseko azken partida izango dute.

Erregional mutilek 5 eta 1 galdu zuten Antigua Luberriren aurka kopan eta bigarren postuan daude. Gorengo mailako neskek 2 eta 1 eman zuten amore Leintz Aloñaren zelaian. Igoera fasean punturik batu ezinik jarraitzen dute. Jubenil mutilei dagokienean, Seguran 5 eta 3 galdu zuten. Multzoko bosgarrenak dira sei punturekin.

Azkenik, infantiletan, Aralar Intxurreko neskek seigarren amaitu dute lehen fasea eta azken partidan 0 eta 1 galdu zuten Tolosaren aurka. Mutilek berriz, txapeldunen faseari ekin zioten asteburuan eta 3 eta 2 galdu zuten Billabonan.

Asteburuan talde guztiek atsedena izango dute.