Intxurreko futbolariek asteburuan jokatu zituzten urteko azken partidak. Hiru garaipen eta berdinketa zein porrot bana izan dituzte. Erregional mutilek 2 eta 1 irabazi zioten Ostadarri eta laugarren postuan amaitu dute urtea. Jubenil mutilek 2 eta 4 irabazi zioten Euskaldunari eta lidertzan sendo jarraitzen dute. Ohorezko mailako gizonezko kadeteek 3 eta 2 galdu zuten Ilintxaren aurka, emaitza bolada bikainari amaiera emanez. Seigarrenak dira.

Infantiletan, mutilek 3 eta 0 irabazi zioten Billabonari. Bosgarren postuan daude. Neskek berriz, launa berdindu zuten Goierri Gorriren aurka eta hirugarren postuan daude.

Urtarrilaren 7 eta 8ko asteburuan izango dituzte hurrengo partidak.