Intxurreko futbolarien bi partida ikusi ahal izango dira asteburuan Elorri zelaian. Jubenilek igoera faseko partida izango dute Lagun Onaken aurka larunbatean 16:00etan. Alegiarrak lidertzan iritsiko dira baina azken partida 3 eta 2 galdu zuten Antigua Luberriren kontra. Ohorezko mailako kadeteek Ilintxaren aurka jokatuko dute larunbatean 11:00etan. Azken partidan 2 eta 0 galdu zuten Elgoibarren eta hamargarren daude.

Bestelakoan, infantil neskek Aiztondoren zelaian jokatuko dute larunbatean 9:00etan. Iragan asteburuan bina berdindu zuten Goierri Gorriren aurka. Mutilek Lazkaon izango dute partida igandean 16:00etan. Hernaniren aurka aritu ziren azken partidan eta 4 eta 2 irabazi zuten. Erregionalek atsedena izango dute. Allerruren aurka 8 eta 1 irabazi zuten eta lidertzan dira.