Intxurreko futbolarien bi partida ikusi ahal izango dira asteburuan Elorri zelaian. Jubenil mutilek Euskaldunaren aurkakoa izango dute larunbatean 15:30ean. Iragan asteburuan Ordizian 0 eta 1 irabazi zuten eta bigarren postuan daude, asteburuko aurkariak baino hiru puntu gehiagorekin. Etxean ariko den beste taldea ohorezko mailako kadeteena izango da. Zumaian 3 eta 2 galdu ostean garaipenaren bidera itzuli nahiko dute alegiarrek baina horretarako Ordiziaren aurka igandean 12:00etan etxean jokatuko duten partida irabazi beharko dute.

Bestelakoan, erregionalek 1 eta 5 galdu zuten Urnietaren aurka. Laugarrenak dira eta seigarren dagoen Ostadarren zelaian jokatuko dute larunbatean 14:40ean. Infantilei dagokienean, bi taldeek garaipena lortu zuten denboraldiko lehen partidetan. Neskek 2 eta 0 irabazi zioten Aiztondo Neskideri eta igandean 10:00etan Goierri Gorriren aurka ariko dira etxetik kanpo. Mutilek 4 eta 3 irabazi zioten Tolosari eta larunbatean 12:30ean Billabonan jokatuko dute.